سەرۆکێ زانکۆیا زاخۆ ب هەڤالینیا سەرۆکێ زانکۆیا دهۆک سەرەدانا پێشانگەها پەرتووکان کر

ل ڕۆژا چارشەمبێ، ڕێکەفتی (١٨ـی چریا دووێ ٢٠٢٦)، ب مەرەما پشتەڤانیکرنا بزاڤێن ڕەوشەنبیری و ئەکادیمی، ب سەرپەرشتیا ڕێزدار (پ.د. دیار عبدالکریم سعید) سەرۆکێ زانکۆیا زاخۆ، ب ئامادەبوونا ڕێزدار (د. داود ئەتروشی) سەرۆکێ زانکۆیا دهۆک و ژمارەیەکا ئەندامێن جڤاتا زانکۆیا زاخۆ، سەرەدانا پێشانگەها پەرتووکان کرن.
د ڤێ سەرەدانا مەیدانی دا، شاندێ ناڤبری ژ نێزیک ڤە ل سەر پشک و گۆشەیێن جودا یێن پێشانگەهێ گەڕیان و هایداری ڕەوشا بڕێڤەچوونا کاروبارێن وێ بوون. هەروەسا سەرەدانا دەزگەهێن چاپ و وەشانێ یێن ناڤخۆیی و یێن مێهڤان یێن ژ وەلاتێن دیتر هاتین کرن، داکو ژ نێزیک ڤە ل سەر نویترین بەرهەمێن زانستی، ئەکادیمی و ئەدەبی ڕاوەستن.
ل دوماهیا گەڕیانا خۆ دا، سەرۆکێ زانکۆیا زاخۆ و شاندێ دگەل دا، دەستخۆشی و پێزانینێن خۆ ئاراستەی ستاف و ڕێکخەرێن پێشانگەهێ کرن بۆ ڤێ بزاڤا شارستانی و ئاستێ بلند یێ ڕێکخستنێ، و دووپات کر کو ئەڤ جۆرە چالاکییە ڕۆلەکێ کارا د بلندکرنا ئاستێ هشیاریا جڤاکی و خزمەتکرنا بزاڤا زانین و زانستێ ل دەڤەرێ دا دگێڕن.

2026/11/18 08:30 PM 31